News
Loading...

ஜெயலலிதாவின் சிகிச்சை விவரம் : ஆரம்பித்தது அடுத்த சர்ச்சை!

ஜெயலலிதாவின் சிகிச்சை விவரம் : ஆரம்பித்தது அடுத்த சர்ச்சை!

முன்னாள் முதல்வர் ஜெயலலிதாவிற்கு அளித்த சிகிச்சை விவரங்களை தர, மருத்துவமனை நிர்வாகம் மறுத்துள்ளது.

முன்னாள் முதல்வர் ஜெயலலிதாவின் மரணத்தில் மர்மம் உள்ளதாக, தினம் தினம் புதுப்புது பிரச்சனை தொடர்ந்து எழுந்து கொண்டே உள்ளது. இது சென்னை உயர்நீதிமன்றம் வரை சென்றுள்ளது. 

இந்நிலையில், ஜெயலலிதாவுக்கு அளித்த சிகிச்சை தொடர்பாக, நீலகிரியைச்சேர்ந்த ஆசிரியர் ராஜ்குமார், தகவல் அறியும் உரிமை சட்டத்தின் கீழ், அப்பல்லோ மருத்துவமனை நிர்வாகத்திடம், கேள்வி கேட்டிருந்தார். இந்த கேள்விகளுக்கு, மருத்துவமனை தகவல் தர மறுத்துள்ளது.

இதற்கு மருத்துவமனை சார்பாக அனுப்பியுள்ள பதில் கடிதத்தில்,’ அப்பல்லோ மருத்துவமனை, இந்திய சட்டம், 1956ன் கீழ் பதிவு செய்யப்பட்டு, இயங்கும் பொது நிறுவனம். இந்நிறுவனம், தகவல் அறியும் உரிமை சட்டம், 2005ன், அதிகார எல்லைக்கு உட்படவில்லை. தாங்கள் கேட்ட விபரங்களை, எங்களால் வழங்க இயலாது. என கூறப்பட்டுள்ளது.

இது தொடர்பாக தமிழக கவர்னர் வித்யாசாகர் ராவ் அலுவலகம் சார்பாக அளிக்கப்பட்டுள்ள பதிலில், தங்கள் விண்ணப்பம், தகவல் அறியும் உரிமை சட்டம்-2005, ஆறாவது பிரிவின் மூன்றாவது உட்பிரிவின் கீழ்படி, பொதுத்துறையின், பொது தகவல் அலுவலருக்கு அனுப்பப்பட்டுள்ளது.
இது தொடர்பாக பொதுத்துறையின் மேல் முறையீடு அலுவலருக்கு, மேல்முறையீடு செய்யலாம். என தெரிவிக்கப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...