News
Loading...

103 செயற்கைகோள்களுடன் விண்ணில் பாயும் PSLV C-37 : ISRO உலக சாதனை முயற்சி

103 செயற்கைகோள்களுடன் விண்ணில் பாயும் PSLV C-37 : ISRO உலக சாதனை முயற்சி

103 செயற்கைகோளுடன் பி.எஸ்.எல்.வி சி-37 செயற்கைகோளை விண்ணிற்கு அனுப்பி, உலக சாதனை முயற்சியில் இஸ்ரோ ஈடுபட்டுள்ளது.

இந்தியாவின் விண்வெளி ஆராய்ச்சி நிறுவனமான இஸ்ரோ, பி.எஸ்.எல்.வி, ஜி.எஸ்.எல்.வி ஆகிய ராக்கெட்கள் மூலம் செயற்கைகோள்களையும் விண்ணிற்கு அனுப்பி வைக்கிறது. அதில் வெளிநாட்டு தயாரிப்புகளை ஆண்டிரிக்ஸ் நிறுவனம் மூலம் கட்டணம் பெற்று, செயற்கைகோளை செலுத்துகிறது. கடந்த 1993ஆம் ஆண்டு முதல் 2016ஆம் ஆண்டு வரை, 121 செயற்கைகோள்களை அனுப்பியுள்ளது.

அதில் 79 வெளிநாட்டு செயற்கைகோள்களும், 42 உள்நாட்டு செயற்கைகோள்களும் அடங்கும். இந்நிலையில் ஒரே ராக்கெட்டில் 103 செயற்கைகோள்களை அனுப்பும் புதிய முயற்சியை இஸ்ரோ மேற்கொள்ள திட்டமிட்டுள்ளது. நானோ வகை செயற்கைகோள்களான இவை அனைத்தும், பல்வேறு நாடுகளைச் சேர்ந்தவை.

இதற்காக பி.எஸ்.எல்.வி சி-37 ராக்கெட்டில், 103 செயற்கைகோள்கள் பொருத்தும் பணி நடைபெற்று வருகிறது. இந்த செயற்கைகோள் வரும் 27ஆம் தேதி, விண்ணில் ஏவப்பட உள்ளது. இந்த முயற்சி வெற்றி அடைந்தால், உலக சாதனையாக கருதப்படும்.

முகநூலில் எங்கள் செய்திகளை படிக்க க்ளிக் செய்யவும்