News
Loading...

குண்டர் சட்டத்தில் பெண் ரவுடி கைது..!

குண்டர் சட்டத்தில் பெண் ரவுடி கைது..!

ட்கடத்தல் சம்பவங்களில் ஈடுபட்டதாக கூறி தர்மபுரி மாவட்டத்தைச் சேர்ந்த பெண் ரவுடி ஒருவர் குண்டர் சட்டத்தில் கைது செய்யப்பட்டுள்ளார்.

கடந்த ஜூலை மாதம் சேலத்தைச் சேர்ந்த தொழிலதிபரான ராஜ் குமார் என்பவர் பணம் கேட்டு கடத்தப்பட்டார். கடத்தல் கும்பலுக்கு 20 லட்ச ரூபாய் பிணையத் தொகை கொடுக்கப்பட்டு, ராஜ்குமாரை அவரது குடும்பத்தினர் மீட்டனர். இந்த கடத்தல் குறித்து விசாரணை நடத்தி வந்த சேலம் காவல்துறையினர், தர்மபுரி மாவட்டம் அரூரைச் சேர்ந்த பெண் ரவுடியான காயத்ரி என்பவரை கைது செய்தனர்.

பணத்திற்காக ஆட்களை கடத்தும் கும்பலுக்கு தலைமை வகித்து வந்த காயத்ரி மீது ஏற்கனவே மிரட்டல், வழிப்பறி என பல்வேறு குற்ற வழக்குகள் நிலுவையில் இருக்கின்றன.எனவே இவரை குண்டர் சட்டத்தில் கைது செய்ய உத்தரவிடுமாறு, சேலம் மாவட்ட ஆட்சியருக்கு காவல்துறையினர் கோரிக்கை விடுத்திருந்தனர்.

இதனை ஏற்றுக் கொண்ட சேலம் ஆட்சியர், காயத்ரியை குண்டர் சட்டத்தில் கைது செய்ய உத்தரவிட்டார். இதனைத் தொடர்ந்து காயத்ரி குண்டர் சட்டத்தில் கைது செய்யப்பட்டு சிறையில் அடைக்கப்பட்டார். தமிழகத்தில் முதன்முறையாக பெண் ஒருவர் குண்டர் சட்டத்தில் கைது செய்யப்படுவது இதுவே முதன்முறை என்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...