News
Loading...

திமுகவின் செயல் தலைவராக மு.க.ஸ்டாலின் தேர்வு!

திமுகவின் செயல் தலைவராக மு.க.ஸ்டாலின் தேர்வு!

திமுக கட்சியின் செயல் தலைவராக, பொருளாளர் பொறுப்பு வகித்து வந்த மு.க.ஸ்டாலின் தேர்ந்தெடுக்கப்பட்டுள்ளார்.

திமுகவின் பொதுக்குழுக்கூட்டம் இன்று காலை 9 மணியளவில் சென்னை அண்ணா அறிவாலயத்தில் தொடங்கியது. இந்தக்கூட்டத்தில் திமுகவின் பொதுச்செயலாளர் க.அன்பழகன், துரைமுருகன், கனமொழி, டி.கே.எஸ்.இளங்கோவன், ஆர்.எஸ்.பாரதி மற்றும் பொதுக்குழு உறுப்பினர்களும், திமுக நிர்வாகிகளும் பங்கு பெற்றனர். இதில் முதலில் மறைந்தவர்களுக்கு இரங்கல் தெரிவிக்கப்பட்டது. பின்னர் பணமதிப்பு இழப்பிற்கு எதிர்ப்பு தெரிவித்து தீர்மானம் நிறைவேற்றப்பட்டது. அதன் பின்னர் விவசாயிகள் தற்கொலை, ஜல்லிக்கட்டு, நீட் தேர்வு ஆகியவை தொடர்பாக தீர்மானங்கள் நிறைவேற்றப்பட்டன.

பின்னர் மு.க.ஸ்டாலின் செயல் தலைவராக தேர்ந்தெடுக்கப்பட்டுள்ளார். பொதுச்செயலாளர் க.அன்பழகன் முன்மொழிய, துரைமுருகன் வழிமொழிய ஸ்டாலின் தேர்ந்தெடுக்கப்பட்டார். அதன் பின்னர் பேசிய ஸ்டாலின் திமுக நிர்வாகிகள் அனைவருக்கும் வணக்கத்தை தெரிவித்துக்கொண்டார். சூழல் தான் தன்னை செயல் தலைவராக்கிவிட்டதாக ஸ்டாலின் கூறினார். கருணாநிதிக்கு சற்று ஓய்வு தேவைப்படுவதாக கூறிய ஸ்டாலின், அன்பழகன் மற்றும் துரைமுருகன் ஆகியோருடன் பேசி இந்த முடிவை எடுத்ததாகவும் கூறினார்.

பல்வேறு பொறுப்புகளை ஏற்று கொண்ட என் அரசியல் பயணத்தில் இந்த பொறுப்பை ஏற்கும் போது தான் இத்தனை துயரத்துடன் இருப்பதாக ஸ்டாலின் பேசினார். செயல் தலைவர் என்றால் தலைவருக்கு இணையான பதவி என்றாலும், தலைவருக்கு கீழ் பணிபுரிவேன் என்றும் கூறினார். மேலும் செயல் தலைவர் பதவி அல்லாமல் பொறுப்பாக பார்த்து, மிகுந்த பொறுப்புடன் மக்கள் பணியாற்ற இருப்பதாக ஸ்டாலின் உறுதி அளித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...