News
Loading...

ஃபேஸ்புக்கில் Friend's day வீடியோ

ஃபேஸ்புக்கில் Friend's day வீடியோ

ஃபேஸ்புக்குக்கு இன்று 13வது பிறந்தநாள். தனது டீன் ஏஜில் அடியெடுத்து வைக்கிறது. ஃபேஸ்புக்கில் இருக்கும் அத்தனை வசதிகள் பற்றியும், நல்லது கெட்டது பற்றியும் நிறைய படித்துவிட்டோம். ஃபேஸ்புக் நிறுவனம் பற்றியும், அதன் நிறுவனர் மார்க் சக்கர்பெக் பற்றியும் அதிகம் தெரிந்திராத விஷயங்களை பற்றி பார்ப்போம்.

1) ஃபேஸ்புக்குக்கு நீல நிறத்தை மார்க் எதற்கு தேர்வு செய்தார் தெரியுமா? மார்க்குக்கு colour blindness பிரச்னை இருக்கிறதாம். அவரால் பச்சை- சிவப்பு நிறங்களை சரியாக பார்க்க முடியாது. யெஸ். பிசாசு படம் நினைவுக்கு வருகிறதா? அதே பிரச்னைதான். அதனால் தான் நீல நிறத்துக்கு டபுள் ஒகே சொல்லியிருக்கிறார் மார்க்.

2) 2006ல் ஒரு கிராதகன் இருந்தான். க்றிஸ் புட்நாம் என்ற அந்த ஹேக்கர், ஃபேஸ்புக்கை ஹேக் செய்து, ஆயிரக்கணக்கான புரஃபைல்களை MySpaceன் புரொபைல்கள் போலவே மாற்றிவிட்டான். கோவப்பட்டு மார்க், சண்டையெல்லாம் போடவில்லை. நீதிமன்றம் ஏறவில்லை. “வாடா என் செல்வமே” என அழைத்து வேலைக்கு சேர்த்துக் கொண்டார். ”அதாம்லே சக்கர்பெர்க்கு” என உச்சி முகர்ந்தது டெக் உலகம்.

3) ஃபேஸ்புக்கின் ஆரம்பக் காலக்கட்டத்தில், அதாவது 2004ல் அது thefacebook.com தான். பின்னர், Theக்கு கல்தா கொடுத்துவிட்டு, facebook.com ஆனது. ஃபேஸ்புக்கின் முதல் லோகோவில் ஒரு மனிதன் சோகமுகத்துடன் இருப்பார். அது யார் தெரியுமா? ஹாலிவுட் சூப்பர்ஸ்டார் அல் பேசினோ தான்.

4) மார்க் ரொம்ப பாசிட்டிவான நபர். அதனால்தான் ஃபேஸ்புக்கில் டிஸ்லைக் பட்டனே கிடையாது. எப்போதும், எல்லோரும் பாஸிட்டிவாக இருக்க வேண்டும் என நினைப்பவர் மார்க். சமீபத்தில் வந்திருக்கும் ஆங்க்ரீ எமோஜி கூட, அந்த ஸ்டேட்டஸ் சொல்லும் விஷயத்துக்கு எனதான் எடுத்துக்கொள்ளப்படும். ஆனால், டிஸ்லைக் அப்படி இல்லாமல், எழுதியவரையே டிஸ்லைக் செய்வது போலிருக்கும் என்பதால் டிஸ்லைக் பட்டனை டிஸ்லைக் செய்துவிட்டார் மார்க்.

ஃபேஸ்புக்கில் Friend's day வீடியோ

5)ஃபேஸ்புக்கின் சில டேட்டாவை கேட்டால் 2ஜி மொபைல் போல தலை சுற்றுகிறது. ஒவ்வொரு 10 நிமிடத்திற்கும் 1,00,000 புதிய ஃப்ரெண்ட்ஸ் ரெக்வெஸ்ட் கொடுக்கப்படுகிறது. ஒவ்வொரு நிமிடமும் அஞ்சு லட்சம் லைக்ஸ் போடப்படுகிறது. ஒவ்வொரு நிமிடமும் ஒன்றரை லட்சம் மெஸெஜ் அனுப்படுகின்றன. அதில் எத்தனை பேக் ஐடி அனுப்புகிறது என்பது மட்டும் தான் மார்க்குக்கு தெரியாது.

6) ஒரு முறை மூச்சை இழுத்து விடுங்க. இப்போது ஃபேஸ்புக்குக்கு புதிதாக 16 பேர் வந்திருக்கிறார்கள். இந்த வரியை படிப்பதற்குள் அந்த கணக்கு 32 ஆகியிருக்கும். இப்போது 48....

7) ஆண்களிடம் சம்பளம் கேட்க கூடாது. பெண்களிடம் வயதை கேட்க கூடாது என்பது தான் மார்க்கின் கொள்கை போல. 1984ல் பிறந்தவன் என கெத்தாக சொல்கிறது சக்கர்பெர்கின் ஃபேஸ்புக் பக்கம். ஆனால், அவர் மனைவி பிரிஸில்லாவின் பக்கத்தில் பிறந்த வருடத்தை காணவில்லை.

8) மார்க்குக்கு புகைப்படங்கள் மீது ஆரம்பத்தில் ஆர்வம் இருந்ததில்லை. ஃபேஸ்புக்கில் ஃபோட்டோஸ் ஷேர் செய்யும் வசதிகள் தொடக்கத்தில் இல்லை. மார்க்கின் நண்பர் ஷான் பார்க்கர் தான் இதை சொன்னாராம். வேண்டாவெறுப்பாக சேர்த்த மார்க், அதற்கு கிடைத்த வரவேற்பை பார்த்து “வாவ்டா” என நண்பனுக்கு நன்றி சொல்லியிருக்கிறார். இன்று, மார்க்கே ஸ்டேட்டஸ் போட்டாலும் ஒரு ஃபோட்டோவையாவது சேர்த்துவிடுவார்.

9) "இந்த நாள் நண்பர்களை கொண்டாட வேண்டிய நாள். ஃபேஸ்புக்கின் பிறந்தநாள்.  நீங்கள் ஃபேஸ்புக்கை கொண்டாட வேண்டாம். நட்பை கொண்டாடுவோம். இன்றைய தினத்தில் நண்பனைக் கொண்டாடுவோம்" என்கிறார் மார்க். அதனால்தான் இன்று ஃபேஸ்புக்கில் Friend's day வீடியோ உங்களுக்கும் வந்திருக்கிறது.

Happy birthday facebook..!

முகநூலில் எங்கள் செய்திகளை படிக்க க்ளிக் செய்யவும்


Loading...