News
Loading...

Naked சைக்கிள் பிரசாரத்தில் பங்கேற்ற இந்தியப் பெண்!

Naked சைக்கிள் பிரசாரத்தில் பங்கேற்ற இந்தியப் பெண்!

லகம் முழுக்க சுற்றுச்சூழல் பாதுகாப்பு குறித்தும், உலக வெப்பமயமாதல் குறித்தும் பல்வேறு அமைப்புகள் விதவிதமான வித்யாசமான விழிப்புணர்வு நிகழ்ச்சிகளை நடத்தி வருகின்றன. முக்கியமாக காற்று மாசுபடுதலை எதிர்த்து மட்டும் பல நிகழ்ச்சிகள், பேரணிகள் நடப்பது வழக்கம். 

அந்த வகையில் ஐரோப்பிய நாடுகளில் ‘கார், இருசக்கர வாகனங்களால்தான் அதிகம் காற்று மாசுபடுகிறது. அவற்றைத்தவிர்த்துவிட்டு சைக்கிள், நடைபயணம் செல்லுங்கள், காற்று மாசுபடுவதைக் குறைக்க முயலுங்கள்’ என்னும் கருத்தை வலியுறுத்தி வருடா வருடம் ஆண்களும், பெண்களும் இணைந்து ஆடைகளின்றி சைக்கிள் பயணம் செல்வார்கள். 

கடந்த 2004ம் ஆண்டு முதல் WNBB (World Naked Bike Ride) என்ற அமைப்பு இந்தப் பேரணிகளை நடத்தி வருகிறது. சைக்கிளும் அதற்குரிய ஹெல்மெட்டும் தவிர்த்து ஆடைகளின்றி பயணிக்க வேண்டும் என்பதே இந்தப் பேரணியின் விதிமுறை. இதில் பங்கேற்கும் சிலர் பாடி ஆர்ட், பெயிண்டிங் என உடல் முழுக்க விழிப்புணர்வு பிரசாரம் சார்ந்த கற்பனைகளை வரைந்துகொள்வதும் வழக்கம்.

Naked சைக்கிள் பிரசாரத்தில் பங்கேற்ற இந்தியப் பெண்!

இந்த விழிப்புணர்வு நிகழ்ச்சியின் முக்கிய வரலாறு இதுவரை ஓர் இந்திய ஆண் / பெண் கூட இதில் பங்கேற்றதே இல்லை என்பதுதான். இதைத்தான் சமீபத்தில் முறியடித்துள்ளார் ஓர் இந்தியப் பெண். இந்தியாவில் பிறந்து லண்டனில் வசிக்கும் டிவி நடிகை மினாள் ஜெயின் இந்த விழிப்புணர்வு பேரணியில் கலந்துகொண்டு ஆடைகளின்றி சைக்கிள் பயணம் சென்று பலரது புருவத்தையும் உயர்த்தியுள்ளார்.

இவர் பைக்கர் மற்றும் சைக்கிள் பயண விரும்பியும் கூட. மினாளின் இந்த துணிச்சலான செயல் பெரும் அதிர்வலையை ஏற்படுத்தி இருக்கிறது. ஒரு சிலர் நேரடியாக அவரைத் திட்டி சமூக வலைத்தளங்களில் எழுதியுள்ளனர். அதேநேரம் பெரும்பாலானோர் மினாளுக்கு தங்கள் ஆதரவையும் பாராட்டுகளையும் தெரிவித்துள்ளனர். 

இந்தப் பேரணியின் முக்கிய அம்சம் என்ன தெரியுமா? சுற்றி நின்று வேடிக்கை பார்க்கும் யாருமே மினாள் உள்ளிட்ட எந்த பெண்ணின் உடலையும் தவறான எண்ணங்களுடன் பார்க்கவில்லை என்பதுதான். சாதாரண சுற்றுச்சூழல் மாசு விழிப்புணர்வுப் பேரணியாக நடக்கும் இந்த நிகழ்ச்சியில் இந்தியப் பெண் கலந்துகொண்டதால் பெண்கள் மேல் திணிக்கப்படும் ஆடை கட்டுப்பாடுகளையும் எதிர்த்து கேள்விகள் எழும்பத் தொடங்கியுள்ளது. 

பேரணி நடத்தும் பொறுப்பாளர்களும், பங்கேற்றவர்களும் ‘மினாள் கலந்து கொண்டதால் இந்தப் பேரணி மற்றுமொரு களத்திற்குச் சென்றுள்ளது. ஆசியர்களைப் பொறுத்தவரை ஆடைகள் என்பது அவர்கள் தன்மானம் சார்ந்த விஷயம். அதையே ஒரு பெண் உதறிவிட்டு கலந்து கொண்டதுதான் இந்தப் பேரணிக்கு மேலும் மரியாதையைச் சேர்த்துள்ளது’ என்கின்றனர். 

விமர்சனங்களைத் தவிர்க்க முகநூல், ட்விட்டர் உள்ளிட்ட தனது அனைத்து சமூக வலைத்தள அக்கவுண்டுகளையும் இப்போதைக்கு தவிர்த்துள்ளார் மினாள்.

முகநூலில் எங்கள் செய்திகளை படிக்க க்ளிக் செய்யவும்


Loading...