News
Loading...

காவிக் கூண்டுக்குள் இரட்டைப் புறா!

காவிக் கூண்டுக்குள் இரட்டைப் புறா!

மேலூர் பொதுக்கூட்டத்தை மிரட்டலாகத் தொடங்கிய தினகரனைக் குளிர்விக்க கட்சிக்காரர்கள் சால்வை, நினைவுப் பரிசுகள் என்று வரிசை கட்டி நின்றார்கள். ‘அதெல்லாம் இந்த மேடையில் வேண்டாம்’ என்று தவிர்த்துவிட்டார். ஆனால், மேலூர் சாமி கொடுத்த வீரவாள், செங்கோலை மட்டுமே வாங்கிக் கொண்டார். கூட்டம் முடியும்போது, சென்னையில் இருந்து வந்திருந்த இளைய தலைமுறை மாணவர் அமைப்பின் முதன்மை ஒருங்கிணைப்பாளர் இனியன் தலைமையிலான டீம் இரட்டை புறாக்களை அடைத்திருந்த கூண்டை தினகரனிடம் கொடுத்தனர்.

காவிக் கூண்டுக்குள் இரட்டைப் புறா!

புறாக் கூண்டைச் சுற்றி இருந்த காவித் துணியை அகற்றிய டி.டி.வி.தினகரன், அந்த இரண்டு புறாக்களையும் பறக்க விட்டார். அப்போது அருகில் இருந்த தங்க தமிழ்செல்வன் எம்.எல்.ஏ, ‘‘ஒரு புறா ஓ.பி.எஸ், இன்னொரு புறா இ.பி.எஸ்’’ என்று சத்தமாகச் சொல்லிக்கொண்டே இருந்தார். தினகரன் முகத்தில் சிரிப்பு மட்டுமே பதிலாக இருந்தது. ‘கூண்டில் ஏன் காவித் துணி சுற்றப்பட்டு இருந்தது?’ என்று இனியனிடம் பலரும் கேட்டபோது, ‘‘அவர்கள் இருவரும் காவிக் கூண்டில்தானே இருக்கிறார்கள்’’ என்றார்.

முகநூலில் எங்கள் செய்திகளை படிக்க க்ளிக் செய்யவும்


Loading...